سحر و جادو کی کاٹ کا قرآنی و روحانی عمل

سحر اور جادو  کی کاٹ کیلئے قرآنی عمل

از  : روحانی عامل پیرطریقت مولانا فقیر محمودالحسن قادری رضوی چشتی نظامی سہروردی نقشبندی
مالیگاؤں 

                              7588792786

سحر کی بہت ساری اقسام ہیں
کسی کو تکلیف دینے کیلئے کوئی عمل  کرنا یا کروانا سحر کی ہی اقسام میں سے ہے
اور یہ اکثر و بیشتر ناجائز ہے
کفریہ سحر کے علاوہ سحر یہ  بھی ہے کہ کسی کیلئے بددعا کر دی جائے  کسی کو بری نظر سے دیکھا جائے
بد نظری اور بد دعا اور ہر طرح کے سحر سے حفاظت کیلئے قرآن کریم کی سورہ معوذتین
بہت کار گر ہیں

سورہ معوذتین کا عامل بننے کا طریقہ بہت ساری کتابوں میں الگ الگ ہے
مجھے یہ عمل عطائی طریق سے حاصل ہوا ہے

اول و آخر درود پاک پڑھنا عمل کی مقبولیت کی دلیل ہے
اگر کسی کو سحر کا اثر ہو تو
روزانہ بعد نماز فجر
پہلے سورہ فلق اور پھر سورہ ناس
اسی طرح یکے بعد دیگرے گیارہ گیارہ بار پڑھے
مکمل تین ماہ پڑھنے سے کیسا ہی سحر ہو گا چاہے کالا جادو ہی کیوں نہ بالکل ختم ہوگا
اگر کسی دوسرے کیلئے پڑھ رہے ہوں تو چاہے مسحور کو آپ نے نہ دیکھا ہو مسحور کا نام مع والدہ لیکر اور اسی کے تصور سے پڑھے
انشاءالله زوداثر ہے

کچا دورا  ( دھاگا ) لیکر مسحور کے قد آدم ناپ لے اور اس کو گیارہ پرت لے کر دونوں سورہ کو ایک بار پڑھ کر ایک گرہ لگائے اسی طرح گیارہ گرہ لگائے
یہ ایک گنڈہ ہوا اس طرح گیارہ گنڈہ بنائے
اور روزانہ ایک گنڈہ کو  مسحور کے بدن سے گیارہ بار اتار کر آگ میں جلائے
اس طرح گیارہ دن میں گیارہ گنڈہ جلانے سے بھی سحر کی کاٹ ہو جائے گی

یا ایک تیز دھار دار بڑی چھری تقریباً ایک فٹ لمبی بالکل نئی غیر استعمال شدہ لے کر اس پر گیارہ دن تک اسی طرح گیارہ گیارہ بار پڑھ کر دم کرتے رہیں
گیارہویں دن اس چھری کو سفید  کپڑے میں  بالکل کفن  کی طرح لپیٹ کر قبرستان میں ایک گڑھا کھود کر دفن کر دیں یا کسی پرانی قبر میں ڈال دیں اس سے بھی سحر کی کاٹ ہو جائے گی
یہ زیادہ زود اثر ہے

یا نئی کوری اینٹ لے کر اس پر معوذتین  33 بار پڑھ کر دم کریں
اور اس اینٹ کو بھی سفید کپڑے میں بالکل کفن کی طرح لپیٹ کر قبرستان میں دفن کردیں یا پرانی قبر میں ڈال دیں
اس سے بھی سحر کی کاٹ ہو گی یہ طریقہ بھی نہایت کامیاب ہے اور  اسی طریقے سے نیت میں تبدیلی سے کسی کی شراب یا بری عادتیں یا ناجائز تعلقات  کو بھی چھڑایا جا سکتا ہے

اس سورہ کا اگر کوئی عامل بننا چاہے تو چالیس دن تک گیارہ گیارہ سو بار قبل نماز فجر پڑھے
اور پھر نماز فجر جماعت سے ادا کرے
اگر ترک جلالی و جمالی  سے عمل کرے تو سونے پہ سہاگہ ہے
ورنہ بغیر ترک جلالی و جمالی کے بھی یہ عمل کرنے سے عامل ہو جائے گا اور وہ قدرت خداوندی کا مشاہدہ فرمائے گا
چاہے ترک جلالی و جمالی سے کرے یا بغیر ترک جلالی و جمالی اپنے پیر سے یا کسی معتبر عامل سے اجازت لے کر ہی عمل کرے
بغیر اجازت کا عمل نقصان دہ باعث تکلیف ثابت ہو سکتا ہے