مجربات محمود

*مجربات محمود*

*میری نظر میں*

تاثرات از خطیب ایشیا عالم نبیل فاضل جلیل حضرت علامہ و مولانا محمد نبیل اختر نوازی صاحب قبلہ 

( دہلی شریف ) 

الحمد للہ ثم الحمد للہ 

پیر طریقت رہبر راہ شریعت عامل کامل 

رہنمائے روحانیت 

عالم حقانی  سراج العاملین سید الکاشفین 

حضور مولانا محمود الحسن قادری رضوی صاحب قبلہ دامت برکاتہم  کی تصنیف کردہ کتاب 

مجربات محمود کو میں نے بنظر غائر بالاستیعاب مطالعہ کیا 

اس مطالعہ کا شوق اس لئے بھی ہوا کہ میرے کئی احباب نے اس کی اتنی زیادہ پزیرائی کی کہ مجھے بالآخر نہایت ذوق و شوق سے مطالعہ پر توجہ دینا پڑا 

بات زیادہ طویل نہ کرتے ہوئے مختصر میں عرض کرتا چلوں کہ یہ کتاب روحانیت کے پیاسوں کیلئے صرف ایک دریا نہیں بلکہ کوزہ میں سمندر کی حیثیت رکھتی ہے

ابھی گزشتہ دنوں میرا قیام مگدھ بہار کے کئی شہروں میں ہوا 

وہاں پر میں نے اکثر علماء و حفاظ کو اس کتاب کا مطالعہ کرتے ہوئے پایا 

اور کئی ایک تو اسی کتاب سے عملیات کرتے پائے گئے 

اور ان حضرات کا کہنا تھا کہ اب ہمیں عملیات کیلئے دوسری کتابوں کی حاجت نہیں رہی 

مجربات محمود کی ایک سب سے خاص بات یہ ہے کہ اس میں سوائے کتاب اللہ کے دوسرے عملیات ندارد ہیں 

جو اس کتاب کی مقبولیت کا ایک اہم وصف ہے 

دوسری بات جو اس کتاب کو دوسری کتابوں سے ممتاز کرتی ہے 

وہ یہ کہ اس کی تصنیف کسی تجارتی مقصد یا دنیاوی اغراض سے پرے خالصتاً حضور شہنشاہِ دکن خواجہ بندہ نواز گیسو دراز علیہ الرحمۃ و الرضوان کے اشارہ غیبی پر کی گئی ہے

مجربات محمود کو پڑھنے کے بعد کہنا پڑتا ہے آج علماء و ائمہ اہلسنت کو اسی کتاب کی ضرورت ہے

جو نہ صرف عملیات کیلئے کافی ہے بلکہ یہ کتاب اپنے قاری کے دل میں جگہ بنالیتی ہے

اور ان کے دل میں تقویٰ کا نور پیدا کرتی ہے

حقیقی روحانیت کو اجاگر کرتی ہے

خواجہ فیض عام کے توسل سے خدمت خلق کے جذبات کو بیدار کرتی ہے

اس کتاب کا قاری ذکر و فکر کرنے والا ہو جاتا ہے

وظائف کا عادی ہو جاتا ہے

مجربات محمود

میری نظر میں اسم با مسمیٰ ہے

اللہ تعالیٰ سے میری دعا ہے کہ اس کتاب کو مزید محمود و مسعود اور مقبول عام فرمائے

فقط

محمد نبیل عالم نوازی

بائیس خواجگان کی چوکھٹ 

دہلی شریف

موبائل نمبر

 9650512235

کتاب حاصل کرنے کیلئے اس نمبر پر رابطہ کریں

7588792786

اولاد کیلئے روحانی عملیات

*اولاد کیلئے روحانی عملیات*

السلام علیکم ورحمت اللہ و برکاتہ 

میرے عزیزان گرامی 

حضرت مولانا نوشاد عالم نظامی صاحب رفیع گنج 

و حضرت مولانا جمیل برکاتی صاحب اورنگ آباد بہار کے  اصرار اور فرمائش پر یہ نادر و مجرب عمل  احبابِ اہلسنت کی خدمت میں پیش ہے 

جو حضرات اولاد کی نعمت سے محروم ہیں 

ان کے لئے یہ دو  عملیات ہیں جو نادر و نایاب ہیں 

اور مجھے یہ عملیات مراقبہ میں بزرگان دین سے عطا ہوئے ہیں 

(۱) رات کی تنہائی میں مسجد کے ممبر شریف سے بالکل قریب بیٹھ کر خود اپنے لئے یا کسی دوسرے کیلئے گیارہ بار سورۂ مزمل شریف پڑھ کر نہایت تضرع و زاری سے دعا کرے

خواتین اگر کرنا چاہیں تو گھر میں ایک گوشہ میں بیٹھ کر یہ عمل کر سکتی ہیں 

ان شاء الله  ایک سال میں گود بھر جائے گی 

یہ عمل پورے سال میں کسی  بھی رات میں کیا جاسکتا ہے 

لیکن سب سے افضل وقت اور شب 

*شب معراج *  اور *شب برات و شب قدر*  ہے

(۲)    انا اعطینک الکوثر 

اس آیت کو   969  بار میاں بیوی دونوں بعد نماز عشاء چالیس دن تک پڑھیں 

اور روزانہ  الله پاک سے سرکار ابد قرار صلی الله علیہ وسلم کے وسیلے سے دعا کریں چالیسویں دن کچھ کھانا پکا کر مسکین غریب یتیم بچوں کو کھلائیں 

یا ان کو کپڑا سلوا کر پہنا دیں

یا کسی امام مسجد یا عالم دین کی ان کے حسب مرتبہ خدمت کریں 

ان شاءالله ضرور اولاد کی مراد پوری ہوگی

جو حضرات اسے عمل میں لائیں وہ مجھے اپنی دعاؤں میں یاد رکھیں اور حضور شاہ عیسی جندالله عرف شہنشاہ 

محدث برہانپوری کی روح پرفتوح کو ایصال ثواب کریں 

یہ حضور شہنشاہ روحانیت کی ہی برکات ہیں جو اس عاجز و کمترین کو روحانیت سے شغف ہے 

ورنہ من آنم کہ من دانم

طالب دعا

پیر طریقت فقیر محمودالحسن قادری رضوی چشتی سہروردی نقشبندی 

مالیگاؤں 

            *7588792786*

سورہ مزمل شریف کے اعمال اور نقش

*ایک پُر تاثیر روحانی عمل*

*سورۂ مزمل شریف*

سورۂ مزمل شریف ایک بہت ہی پر تاثیر سورہ مبارک ہے 

جس سے اکثر عاملین کام لیتے ہیں اور اکثر اولیاء کرام اس کا وظیفہ کرتے رہے ہیں 

ویسے اس کی ہر آیت اپنے اندر ایک بیش بہاء خزانہ لئے ہوئے ہے اگر کوئی شخص اپنے معاملات کو خلق خدا سے چھپانا چاہتا ہے تو وہ   *یایھاالمزمل*   کو کثرت سے پڑھے کم از کم اپنے نام کے اعداد کے مطابق روزانہ اس ایک آیت کو پڑھنے سے الله کریم اس کے معاملات پر پردہ ڈال دے گا 

اگر کوئی شخص عبادت میں خشوع و خضوع کی لذت  سے بے بہرہ ہے عبادت میں لطف و سرور نہیں پاتا تو ایسا شخص 

*یَایُّھَاالمُزّمِّل قُمِ الَّلیلَ اِلَّا قَلِیلاً نِّصفَهُ اَوِ انقُص مِنهُ قَلِیلاً اَو زِد عَلَیهِ وَرَتّلِ القُرآنَ تَرتِیلاً*

کو روزانہ رات میں     313  بار پڑھے چند دنوں کی مداومت سے اس کو عبادتوں میں کیف و سرور خشوع وخضوع کی دولت حآصل ہو جائے گی 

اگر کوئی شخص کسی مقدمہ میں پھنس گیا ہو یا کسی پریشانی    میں گرفتار و مبتلا ہو گیا ہو تو وہ 

*رَبُّ المَشرِقِ وَالمَغرِ بِ لاَ اِلٰهَ اِلّاَ  ھُوَ فَاتّخِذہ وَکِیلاً*

اس آیت پاک کو روزانہ بعد نماز فجر مشرق کی طرف رخ کر کے 101 بار پڑھے اور اپنا معاملہ یا مقدمہ یا پریشانی کو الله پاک کے سپرد کر دے 

ان شاء الله اگر وہ حق پر ہے تو یقینی طور پر وہ مقدمہ میں فتح یاب ہو گا اس کی پریشانی دور ہو گی اس کا معاملہ آسان ہوگا 

اگر کوئی شخص کسی کی زبانی ایذا رسانی سے تکلیف میں مبتلا ہے تو ایسا شخص 

*وَاصبِر عَلٰی مَا یقُولُونَ وَاھجُرھُم ھَجراً جَمیلاً*

اس آیت پاک کو  زوال کے بعد نماز ظہر ادا کرنے سے پہلے چند دنوں تک   1000 بار پڑھے اور عملی طور پر اس کے ترجمہ پر بھی عمل کرے 

ایذا دینے والا شخص خود ہی خائب و خاسر ہوگا اور وہ خود ایسی تکلیف میں مبتلا ہوگا جو ناقابل بیان ہے

اسی طرح جو شخص نماز کا پابند نہ ہو اور پابند بننا چاہتا ہو یا کسی کو نماز کا پابند کرنا ہو تو اس کو سورہ مزمل شریف پڑھ کر پانی پر دم کر کے پلائیں ان شاءالله نمازوں کا پابند ہو جائے گا 

اگر کوئی قرض میں مبتلا ہو تو وہ اس سورہ پاک کو روزانہ   11    بار   پڑھے ان شاء الله اس کی ادائیگئی قرض کی سبیل پیدا ہوگی 

اس سورہ پاک کو بطور عمل پڑھنے کے لئے ایک مخصوص طریقہ یہ بھی ہے کہ 

تسمیہ سے شروع کرے اور 

جب رب المشرق والی آیت پر پہنچے تو اس کو 11 بار پڑھے پھر آخر سورہ تک حسب معمول پڑھے 

اس طرح 11 بار پڑھے 

اور یہ عمل 41  دن  یا  21 دن  یا   11 دن  تک کرے 

ان شاء الله فوائد کثیرہ کا مشاہدہ اپنی نظروں سے کرے گا 

اگر کسی عورت کو دوران حمل تکلیف ہوتی ہو یا حمل خراب ہو جاتا ہو یا ایسا اندیشہ ہو تو اس کے لئے جب حمل کا تیسرا مہینہ شروع ہو تو

اس عورت کے سر کے بال سے لیکر پیر کے انگوٹھے تک   سوتی کالے دھاگے کو ناپ لے اور ایسے تین دھاگے  لے کر  اس پر سورہ مزمل کی دو آیت پڑھ کر ایک گرہ لگائیں 

اس طرح پوری سورہ میں دس گرہ لگے گی 

اور گیارہویں گرہ پوری سورہ پڑھ کر لگائیں 

اور اس دھاگے کو اس عورت کی کمر میں باندھ دیں 

اور یہ وضع حمل تک بندھا رہنے دیں 

ان شاء الله حمل  نہ ساقط ہوگا نہ کوئی تکلیف ہو گی 

بلکہ اس کی برکت سے خوبصورت بچے پیدا ہونگے جو کردار و عمل میں بھی نیک ہونگے

غرض کہ اگر کوئی صرف اسی ایک سورہ کا عامل ہو جائے تو اس کو دوسرا کوئی عمل تلاش نہ کرنا پڑے گا 

اسی میں دنیا جہان کا خزانہ پوشیدہ ہے 

شرط ہے کہ ہم اتنے پختہ عزم و 'یقین   کے ساتھ پڑھیں سلسلۂ عالیہ قادریہ کے اکثر بزرگان دین اس کو حرز جان سمجھ کر اس کے عامل رہے ہیں 

*کسی بھی عمل کی قبولیت کیلئے اول و آخر  درود شریف شرط ہے چاہے ایک ایک بار کیوں نہ ہو*

جب آپ اس سورۂ مقدسہ سے کوئی عمل کریں تو اس فقیر حقیر سراپا تقصیر کو بھی اپنی دعاؤں میں یاد رکھیں 

آپ کی دعاؤں کا طالب 

خاکپائے بزرگاں

خادم العلماء و المشائخ 

پیر طریقت مولانا محمودالحسن قادری رضوی چشتی سہروردی نقشبندی

مالیگاؤں ضلع ناسک مہاراشٹر

            *7588792786*

مخدومی عطیہ

*نفل  نماز دوگانہ برائے خیر و برکت*

*عطیہ مخدومی*

یہ عطیہ حضور سراج العاملین سید الکاشفین حضرت مولانا محمود الحسن رضوی قادری چشتی نقشبندی سہروردی صاحب کو بہار شریف میں حضور سیدنا الشیخ شرف الدین احمد یحییٰ منیری علیہ رحمۃ الباری کے مزار پر انوار کی حاضری پر بحالت مراقبہ عطا ہوا ہے

لہٰذا اس دوگانہ کو ادا کر کے اللہ تبارک و تعالیٰ کی نعمتوں کا شکر ادا کریں

 اس دوگانہ کے ادا کرنے کا طریقہ یہ ہیکہ 

سب سے پہلے 

انی وجھت وجھی للذی فطر السموت والارض حنیفا وما انا من المشرکین 

ان صلاتی و نسکی و محیای و مماتی للہ رب العالمین 

لا شریک لہ وبذلک امرت وانا من المسلمین 

بسم اللہ اللہ اکبر 

کہہ کر ہاتھ ناف کے نیچے باندھ لیں 

پھر ثنا پڑھیں 

پھر تعوذ و تسمیہ کے بعد سورہ فاتحہ 

بعدہ ایک بار  سورہ الم نشرح پڑھیں 

اور رکعت پوری کریں 

دوسری رکعت میں بعد سورہ فاتحہ مع تسمیہ  سورۃ الکوثر کی تکرار کریں 

بے حد و بے شمار بار  پڑھیں جب خوب اطمینان سے پڑھنے کے بعد طبیعت سیر ہو جائے تو دوسری رکعت کی تکمیل کریں 

قعدہ میں التحیات اور درود ابراہیم اور  دعاء ماثورہ پڑھ کر سلام پھیر دیں 

اور اس نماز کا ثواب حضور مخدوم بہار علیہ الرحمہ کی بارگاہ میں اور  حضور سیدنا الشیخ سید محمد البغدادی ( امجھر شریف) علیہ رحمۃ الھادی کی بارگاہ میں نذر پیش کریں 

اس طرح یہ دوگانہ برائے خیر و برکت ادا کریں 

جو حضرات بے برکتی کا شکار ہیں

جن کے گھروں میں خیر و برکت مفقود ہے

کمائی کرتے ہیں لیکن پھر بھی بچت نہیں ہو پاتی

روپیہ پیسہ فضول اخراجات میں ضائع ہو جاتا ہے

ایسے حضرات اس دوگانہ کو ادا کر کے اللہ کریم کی رحمتوں سے شاد کام و بامراد ہوں

یہ دوگانہ وہ حضرات بھی ادا کر سکتے ہیں جن کے گھروں میں کوئی کام رکا ہوا ہو اور پورا ہونے کی کوئی سبیل نہ ہو

یا  جن کے گھروں میں شادی بیاہ وغیرہ کی کوئی تقریب ہونے والی ہو

یا

جسے حصول ملازمت وغیرہ کیلئے انٹرویو دینا ہو

یا کسی مقدمہ وغیرہ میں حق پر ہونے کے باوجود کامیابی نہ ملتی ہو 

غرض کہ کسی بھی کام کی تکمیل کیلئے یہ نفل نماز خیر و برکت کا سر چشمہ ثابت ہو گی ان شاءاللہ 

اس نماز کی ادائیگی کے بعد کسی عالم دین کی خدمت کریں اور انہیں کچھ نذر و نیاز پیش کریں

یا کسی یتیم کے سر پر  دست شفقت پھیر دیں 

نماز کی ادائیگی سے پہلے حضور سراج العاملین سے اجازت حاصل کر لیں

ان کا موبائل نمبر یہ ہے 

https://wa.me/917588792786

فقط

خادم روحانیت حافظ و قاری مولانا جمیل احمد برکاتی نظامی 

اورنگ آباد بہار 

https://wa.me/919708233157

حضور مفتی اعظم ہند علیہ الرحمہ

*حضور مفتی اعظم ہند علیہ الرحمہ کا چالیسواں عرس مقدس*

آج عالم اسلام کی عبقری شخصیت پیکر زہد و تقوی

مرشد عالم

جانشین سرکار اعلیٰ حضرت

حضور سیدی و سندی محمد مصطفیٰ رضا خان بریلوی

المعروف مفتی اعظم ہند

کا چالیسواں عرس مقدس ہے

لہٰذا اپنے گھروں میں نیاز و فاتحہ کا اہتمام فرمائیں

اور ثواب دارین کے حقدار بنیں

الملتمس

روحانی عامل مولانا محمود الحسن رضوی قادری چشتی نقشبندی سہروردی مالیگاؤں

7588792786

سحر یا آسیب کا علاج اور حفاظت

 *سحر یا آسیب کا علاج اور حفاظت*

تحریر منجانب 

روحانی عامل پیر طریقت مولانا محمود الحسن رضوی قادری چشتی نقشبندی سہروردی مالیگاؤں

 

7588792786 

سحروجادو ایسا منحوس ومغضوب منتر ہے کہ اس منتر کے ذریعہ ساحر اچھے بھلے انسان کو ہرمیدان میں تباہ و برباد کر دیتا ہے

سحر وجادو گندے و کالے علم کے ذریعہ کیا جاتا ہے جوشرعا حرام اور کبھی کفر ہے, انہیں خرابیوں کی وجہ سے از روئے حدیث ساحر کی مغفرت و بخشش نہیں -

جو کوئی انسانی طبیعت پر سحر کرتا ہے تو انسان موت و زیست کی کشمکش میں مبتلا ہو جاتا ہے

اگر کاروبار پر کرتا ہے تو چند ہی دنوں میں کاروبار میں گراوٹ آنی شروع ہوجاتی ہے اور کچھ دنوں میں کاروبار چوپٹ ہو جاتا ہے اور سحرزدہ چند دنوں میں ہی مفلس و نادار ہو جاتا ہے

اسی طرح آسیبی معاملہ بھی ہے

آسیبی معاملات اکثر انسان کی شامت اعمال یا ماں باپ کی بد دعاؤں سے یا کسی کا دل دکھانے  یا صفائی ستھرائی کا دھیان نہ رکھنے سے خود بخود ہو جاتے ہیں

جب کسی پر سحر کر دیا جائے یا کوئی آسیبی معاملہ کا شکار ہو جائے تو سحر کی کاٹ کرنا 

 یا آسیب کا دفع کرنا اور محافظت کا کام کرنا ضروری ہو جاتا ہے

سحر کی کاٹ یا دفع آسیب کے بہت سارے عملیات اور طریق عاملین میں رائج ہیں

    اکثر ناقص عاملین اسی کے ذریعے کام کم ,عوام و خواص کو لوٹنے کا کام زیادہ کرتے ہیں

جن کی وجہ سے  کامل عامل اور علماء کی جماعت سے اعتماد اٹھتا جارہا ہے جس سے صحیح لوگ بدنام ہورہے ہیں.

 

 سحر کی کاٹ اور دفع آسیب کیلئے وہی طریقہ معتبر و مستند ہے جو قرآن و حدیث کی روشنی میں ہو اور جس کی شرع نے اجازت دی ہو. 

اور وہ طریقہ مردود ہے جو غیر شرعی عملیات کے ذریعے ہو . اس معاملہ میں علاج کرنے والے اور کرانے والے دونوں گنہگار ہوں گے 

سحر کی کاٹ اور دفع آسیب کا ایک طریقہ یہ بھی ہے جو یہاں تحریر کر رہا ہوں 

مسحور کو یا آسیب زدہ کو سامنے بیٹھا کر 

اول آخر درود پاک پڑھ کر درمیان میں آیت قطب یا آیت غوث سات سات بار پڑھ کر تین بار دم کریں 

اور آیت غوث کو پچیس بار پڑھ کر پانی پر دم کر کے اس پانی کو مسحور کو اکیس دن تک پلائیں 

ان شاءاللہ سحر کی کاٹ ہو جائے گی 

اگر مریض کسی دور دراز مقام پر ہو تو مریض کو سامنے بیٹھا ہوا تصور کر کے یہی طریقہ اپنائیں 

اور پانی پر دم نہ کریں 

اگر دفع آسیب کرنا ہو تو بذریعہ اتارا دفع آسیب کریں اور 

آیت قطب اور آیت غوث کا نقش بنا کر آسیب زدہ کے گلے میں پہنا دیں 

یا بازو میں باندھ دیں 

یہ علاج ہر کوئی نہیں کر سکتا 

بلکہ اس طریقے سے کسی عالم دین یا متبع شرع عامل سے کروائیں 

جاہل اور ڈھونگی عاملوں سے کوسوں دور رہیں اسی میں دنیا وآخرت کی بھلائی ہے

کلمہ طیبہ کے ذریعے استخارہ کا لا جواب عمل

 کلمہ طیبہ کے ذریعے 

استخارہ کا لا جواب عمل

از :: پیر طریقت روحانی عامل حضرت مولانا محمود الحسن رضوی قادری چشتی نقشبندی سہروردی 

مالیگاؤں 

7588792786 

آج کل اکثر عاملین مختلف طریقوں سے استخارہ کرتے ہیں

جن میں کوئی تسبیح کے ذریعے کوئی قینچی یا چھری کے ذریعے تو کوئی اعداد کے ذریعے استخارہ کرتے ہیں

لیکن ہر ایک کو کامیابی ملے یہ ضروری امر نہیں

میرے پاس اکثر ایسے معاملات آتے رہتے ہیں کہ عاملین سحر بتا دیتے ہیں اور ان کو آسیبی اثرات ہوتے ہیں

کسی کو معمولی آسیب ہوتا ہے

اور عاملین ڈر بتا کر بڑا سخت خطرناک جیسے الفاظ استعمال کر کے پیسہ اینٹھنے کا کام کرتے ہیں

ظاہر سی بات ہے کہ جب دل میں اخلاص نہ ہو گا تو یہی سب ہو گا

بندہ جب روحانیت سے خالی ہو گا تو اس کے عملیات میں برکت کیسے آئے گی

کلمہ طیبہ سے استخارہ ایسا عمل ہے کہ اس سے دل میں روحانیت کا نور بھی پیدا ہوتا ہے

رجوع الی اللہ عزوجل بھی ہوتا ہے

محبت رسول صل اللہ علیہ وسلم بھی جاگتی ہے

اور استخارہ میں بالکل درست و صحیح جواب ملتا ہے

لہٰذا عاملین اس طریقے کو اپنائیں

اور خدمت خلق کر کے رضائے الٰہی سے شاد کام ہوں

پہلے گیارہ دن کا عمل کر لیں

اس طرح کہ

دس دن تک بعد نماز فجر یا قبل نماز فجر 6000  بار کلمہ طیبہ پڑھیں

اور گیارہویں دن 1900 بار پڑھیں

یہ گیارہ دنوں میں عمل پورا ہو گیا

اب روزانہ 100 بار کا معمول بنا لیں

*عمل کی شرائط*

@ پڑھنے کے وقت تنہائی اور کامل یکسوئی 

@ توبہ تمام گناہوں سے

@ دل فکر دنیا سے آزاد

@ عمل پورا ہونے کے بعد صدقہ و خیرات کریں

 

@ یہ عمل پورا ہونے کے بعد بزرگانِ دین کیلئے ایصال ثواب کریں

اور میرے لئے دعائے خیر و مغفرت 

جس کا استخارہ کرنا ہو

اس کا نام مع والدہ لے کر چند بار کلمہ طیبہ پڑھیں

اور اللہ تعالیٰ کی طرف لو لگا کر اس کے معاملے پر آنکھ بند کر کے غور کریں

ابتدائی دنوں میں ایک دو دن میں یا زیادہ سے زیادہ سات دن میں اس کا معاملہ آپ کو بتا دیا جائے گا

چاہے کوئی خواب میں آ کر بتائے یا آپ پر خود بخود ظاہر ہو جائے گا کہ جس کے بارے میں آپ نے استخارہ کیا تھا اس کا جواب کیا ہے

اس طرح رفتہ رفتہ جب آپ اس پر مکمل طور پر عمل پیرا ہو جائیں گے تو

جیسے ہی آپ کلمہ پڑھ کر کسی کا نام مع والدہ لے کر استخارہ کریں گے

اسی وقت آپ پر اس کے احوال ظاہر ہو جائیں گے

ان شاءاللہ

مولیٰ دل کا زنگ چھڑا 

قلب نوری پائے جلا 

دل کو کر دے آئینہ

جس میں چمکے یہ کلمہ

حق لا الہ الا اللہ محمد رسول اللہ 

یہ بہت مجرب عمل ہے

الحمدللہ میں اکثر اسی طریقے سے استخارہ کرتا ہوں

اور اللہ تبارک و تعالیٰ کا لاکھ لاکھ شکر و احسان ہے کہ ہمیشہ کافی و شافی جواب عنایت ہوتا ہے

مصنف مجربات محمود کا ایک اور تحفہ

مصنف مجربات محمود کا ایک اور تحفہ 

شفائے امراض اور   فتح مہمات  کیلئے لاجواب عمل

دعائے حزب البحر شریف یوں تو ہر کار خیر کیلئے صدیوں سے بزرگانِ دین کے اوراد و وظائف میں شامل ہے

اور بزرگانِ دین اس سے اعمال روحانی میں ہر کام لیتے آئے ہیں

الحمدللہ حزب البحر شریف اپنے پیر و مرشد کی اجازت سے اس فقیر کے وظائف میں بھی شامل ہے

میں بھی اکثر روحانی عملیات میں اسے بروئے کار لاتا ہوں

اور بفضل خدا وندی اس کی برکتوں سے شاد کام ہوتا ہوں

حضرت شیخ ابو الحسن شاذلی علیہ رحمۃ الرحمن کے توسط سے سرکار دو عالم صلی اللہ علیہ والہ وسلم کی عطا کردہ یہ دعا امت محمدیہ کیلئے ایک انمول تحفہ و خزانہ ہے

لا زوال نعمت بے بہا ہے

اسی دعا کا ایک جز یہ ہے

بسم اللہ الشافی بسم اللہ الکافی بسم اللہ المعافی بسم اللہ الذی لا یضر مع اسمہ شئی فی الارض ولا فی السماء وھو السمیع العلیم

اس کے جملہ اعداد 5566 ہیں

اگر کوئی کسی پرانی بیماری میں مبتلا ہو

بیماری سے شفا نہ ملتی ہو

اطباء علاج کرتے کرتے تھک گئے ہوں

تو ایسے شخص کو اس کا ورد کرنا چاہئے

اسے ایک چینی یا تانبے کی پلیٹ پر زعفران سے لکھ کر پانی سے دھو کر مریض کو پانی پلائیں

اور اس کا نقش بنا کر مریض کے گلے میں ڈال دیں

ان شاءاللہ شفائے کاملہ نصیب ہو گی

بیماری دور ہو گی

اس کے علاوہ یہ عمل کسی بھی کام کی آسانی کیلئے کیا جا سکتا ہے

ایسا کام جس کے پورا ہونے کے اسباب نظر نہ آتے ہوں

تو اس وقت اس کو صاحب معاملہ اپنے نام مع والدہ کے اعداد اور اس جز کے اعداد کو ملا کر گیارہ یا اکیس دنوں تک پڑھیں

ان شاءاللہ اس مشکل کام میں آسانی کے اسباب پیدا ہو جائیں گے

اور نہ ہونے والا کام اتنی آسانی سے پورا ہو گا کہ عقل انسانی حیران رہ جائے گی

اگر کوئی خود نہ پڑھ سکیں تو کسی حافظ قرآن سے یا کسی متبع شریعت  عامل صاحب ( جو سفلی عملیات سے کام نہ لیتے ہوں )

 سے نذرانہ پیش کر کے پڑھوا لیں

اور کسی عامل سے اس کا نقش بنوا کر اپنے پاس رکھ لیں

ان شاءاللہ کبھی کسی کام میں دقت اور پریشانی نہیں آ سکتی

یہ نقش رد سحر اور بدنظری کے خاتمہ اور دفع آسیب کیلئے بھی دیا جا سکتا ہے 

المختصر یہ کہ دعائے حزب البحر شریف کا یہ جز بہت ہی خوبیوں اور کمالات کا جامع ہے

یک من علم را دہ من عقل باید

جنہوں نے اس پر عمل کر لیا وہ صرف اسی عمل سے بہت سارے عملیات کر سکتے ہیں 

جن حضرات کو اس کا مجرب  نقش درکار ہو 

یا اس کا طریقہ درکار ہو وہ ہم سے پرسنل پر رابطہ فرمائیں 

ان شاءاللہ رہنمائی کی جائے گی

 

نوٹ :::  

خود غرض افراد رابطہ کرنے کی زحمت نہ فرمائیں 

فقط 

روحانی عامل پیر طریقت فقیر مولانا محمود الحسن رضوی قادری چشتی نقش بندی سہروردی 

مالیگاؤں 

7588792786

رمضان المبارک کی پہلی شب کا روحانی عمل

*رمضان المبارک کی پہلی شب کا روحانی عمل*

از:  روحانی عامل پیر طریقت مولانا محمودالحسن قادری رضوی چشتی نظامی سہروردی نقشبندی 

مالیگاؤں    *7588792786*

ماخوذ :   از :   مجربات محمود 

رمضان المبارک ایسا باشرف اور محترم مہینہ ہیکہ جس کا کوئی لمحہ رحمتوں اور برکتوں سے خالی نہیں ہے

اس مبارک مہینے کی ہر گھڑی رحمت و  برکت ، فضل و شرف ، عظمت و رفعت سے معمور ہے

  پھر بھی جب رمضان مقدس کی پہلی شب نصیب ہو جائے تو اس مبارک روحانی عمل کو بروئے کار لے آئیں 

انشاءالله پورا مہینہ نیکیوں کی سعادت ملتی رہے گی 

نمازوں میں خشوع و خضوع کی دولت سے بہرہ ور ہوں گے

تلاوت کلام الہی میں کیف و سرور کی لذت حاصل ہوتی رہے گی 

یتیموں بیواؤں اور غرباء و مساکین  کی امداد میں دلی مسرت اور حصول ثواب  کی امید مضبوط سے مضبوط تر ہو گی 

اور اس روحانی و قرآنی عمل کی برکت سے پورا سال فرحت و شادمانی اور روزی کی فراخی کے ساتھ بسر ہو گا

اس عمل کی برکت سے بیماریوں سے حفاظت ہو گی 

ہر جگہ فضول خرچی سے حفاظت ہو گی

اپنی حلال کمائی میں کسی ناجائز جگہ میں  اپنی رقم خرچ نہیں ہو گی 

ہر کام میں برکت ہی برکت ہوگی 

صرف ایک دن میں  کچھ دیر کی محنت ہے 

اور فوائد بے شمار ہیں

روحانی عمل یہ ہے 

رمضان شریف کی پہلی شب میں تراویح کی ادائیگی کے بعد سحری کرنے سے پیشتر ہو سکے تو تازہ غسل کر لیں

ورنہ تازہ وضو کریں 

اور مسجد میں بیٹھ کر یا اپنے گھر تنہائی میں بیٹھ کر 

اول    121 بار 

درود غوثیہ پڑھیں 

پھر  786 بار 

بسم الله الرحمن الرحیم 

پڑھیں  

پھر 1001 بار 

کلمہ طیبہ پڑھیں 

پھر

یُرِیدُ الله بکم الیسر ولا یرید بکم العسر

( دوسرے پارے کی ایک آیت کا ایک حصہ ) 

کو 1337 بار پڑھیں 

پھر آخر میں 121 بار درود غوثیہ پڑھیں 

انشاءالله فوائد کثیرہ سے شاد کام ہوں گے

اگر کسی سبب سے رمضان شریف کی پہلی شب کو یہ عمل نہ کر سکیں  تو  بحالت مجبوری رمضان المبارک کی کسی بھی شب جمعہ میں یہ عمل بجا لائیں 

انشاءالله وہی ثمرات حاصل ہوں گے جو پہلی شب رمضان کے ہیں 

عمل پورا کر کے خود کیلئے دعا کریں اور پوری امت مسلمہ کیلئے بھی دعا کریں 

اور اس فقیر محمود الحسن   قادری رضوی چشتی نظامی  الملقب  بزبان روشن چراغ *محمود ضیاءالدین*  کیلئے بھی دعا کردیں



حج و عمرہ کا عمل

*بحالت مراقبہ عطیۂ  حضور غوث اعظم رضی اللہ عنہ*

*حج و عمرہ کی سعادت پانے کیلٸے ایک مبارک و مسعود عمل* 

منجانب :

*روحانی عامل پیر طریقت مولانا محمودالحسن قادری رضوی چشتی سہروردی نقشبندی*

مالیگاٶں

 *7588792786*

جو کوٸی حج و عمرہ کرنے کی سچی تڑپ رکھتا ہو لیکن اسباب مہیا  نہ ہوتے ہوں 

یا کچھ نہ کچھ رکاوٹ  آجاتی ہو 

یا حج و عمرہ کر چکا ہو اور دوبارہ اس سعادت کو پانے کی تمنا ہو 

ایسے افراد اس مبارک و مسعود عمل کو رو بہ عمل  لاٸیں 

انشاء اللہ ان کا مقصود حاصل ہو گا 

یا جو حضرات عمرہ کرنے جاٸیں وہ دوران طواف اس مبارک کلمہ کو لا تعداد مرتبہ اپنے ورد میں رکھیں 

ان کو بار بار یہ سعادت نصیب ہو گی ان شاء اللہ 

اس مبارک عمل سے استفادہ فرماٸیں

*اَللہُ رَبّی لَا اِلٰہَ اِلّا ھُو*

اس مبارک کلمہ کو 21 دن تک روزانہ 388 مرتبہ پڑھیں

21 دن کے عمل کے دوران پڑھنے کیلٸے کوٸی ایک وقت متعین کر لیں 

باوضو پڑھیں 

پڑھنے کے وقت عطر و خوشبو کا استعمال کریں

 اور پھر  21 دنوں کے بعد روزانہ کم از کم 19 بار یا  97 بار  اپنے ورد میں رکھیں 

اور اس ناچیز فقیر کو اپنی دعاٶں میں یاد رکھیں

نقش محمودی ارشدی

*ازدواجی زندگی کو خوشگوار بنانے کی خصوصی تعویذ*

از : پیر طریقت روحانی عامل حضرت مولانا محمود الحسن رضوی قادری چشتی نقشبندی سہروردی

   *7588792786*

*نقش محمودی ارشدی*

گھر بیٹھے حاصل کر سکتے ہیں 

جی ہاں 

بعض دفعہ ایسا ہوتا ہے کہ سب کچھ ٹھیک ہوتے ہوٸے بھی میاں بیوی میں ان بن ہو جاتی ہے 

وجہ کسی کو نظر نہیں آتی 

وہ صرف وہی دونوں جانتے ہیں 

اور یہ آہستہ آہستہ معاشرے کی خرابی کا سبب بن جاتا ہے 

لہذا 

اگر ایسی کوٸی بات ہے تو زیادہ نہ سوچتے ہوٸے ہم سے پرسنل طور پر رابطہ کریں اور ہم سے ایک تعویذ حاصل کریں جس سے آپ کی قوت مردانگی میں اضافہ ہو جاٸے 

اور آپ کی زندگی میں لطف و سرور کی نٸی بہار آ جاٸے 

آپ کا گھر خوشیوں کا گہوارہ بن جاٸے 

اس نیک کام میں دیر نہ کریں 

اور ہم سے فوری رابطہ کریں

نقش محمودی ارشدی حاصل کرنے کا طریقہ 

میاں اور منکوحہ بیوی کا نام مع والدہ 

نام صرف منکوحہ بیوی کا ہی لکھیں

جس ایڈریس پر تعویذ منگوانا چاہتے ہیں وہ ایڈریس مع پن کوڈ 

اور موباٸل نمبر 

یہ تعویذ  بروز پیر صرف پوسٹ سے ہی روانہ کی جائے گی

اگر آپ اصلی زعفران سے لکھا ہوا نقش طلب کرنا چاہتے ہیں تو  100 روپٸے نذرانہ اور 

اسپیڈ پوسٹ ڈاک خرچ

50 rs.

 اس طرح 150 روپٸے اکاؤنٹ میں جمع کروائیں 

اور خالص مشک سے مخصوص جھلی پر لکھا ہوا طلب کرنا چاہتے ہیں تو 500 روپئے اور اسپیڈ پوسٹ خرچ  50 روپئے

کل 550 روپئے اکاؤنٹ میں جمع کروائیں

ورنہ سادہ قلم سے لکھی ہوٸی تعویذ منگوانے کیلٸے صرف  50 روپٸے ڈاک خرچ کے روانہ کریں 

account detail 

Name :

Ansari mahemoodul   Hasan

A/c no. 11323126164

IFSC : SBIN0000418

mob. No. 7588792786 

Google pe or PYTM no. 7588792786